من 3 شهور اشتريت جوز فيشر المفروض ان عمره كان حوالى سنة
الدكر أزرق * لبنى و النتاية أخضر *أحمر
الدكر حاول كتير مع النتاية و هي مش قابلاه ابداااااااا و كنت أشوفه يحاول تلقيحها و هى تهرب منه
من مدة أسبوع بدأ يضربها و بعدين لقيتوه معورها ف راسها جامد ف خفت عليها ففصلته عنها لكنه رفض الأكل تماما فرجعته تانى مع العلم لما كانو مفصولين ماكنتش هيا متضايقة بالعكس كانت بتاكل و بتشرب لأنه لما بيكون معاها مش بيسبها تاكل لدرجة انه فقدت وزنها و بقت معدومة
بالنسبة للدكر بدأ يتعود عليا و بطلعه العب معاه و مش بيعضنى نهاااائى الا بعض عضة خفيييفة جداااا تعتبر هزار أما النتاية فلو مسكتها بتقطع ايدى
أنا صراحة اتعلقت بيهم بشكل غير عادى بقو من العيلة و خايف عليهم أووووووى
بالله عليكم يا خبراء الفيشر انصحونى أعمل ايه هل أجوز الدكر نتاية تانية و أجوز النتاية دكر تانى و لا أعمل ايه
أنا اول مرة أربى معنديش أى خبرة
اسف على الاطالة و شكرا مقدما غفر الله لى و لكم
الإنتساب : 
العمر : 
المساهمات : 
نقاط التميز
عنوان المشاركة: المساعدة اخوانى بارك الله لكم
الــدولـــة
